മൂത്രമൊഴിക്കാൻ അങ്കണവാടിയുടെ പുറത്തേക്ക് പോയ അഞ്ചു വയസുകാരി പാമ്പുകടിയേറ്റ് മരിച്ചു
മൂത്രമൊഴിക്കാൻ അങ്കണവാടിയുടെ പുറത്തേക്ക് പോയ അഞ്ചു വയസുകാരി പാമ്പുകടിയേറ്റ് മരിച്ചു
ബംഗളൂരു: മൂത്രമൊഴിക്കാൻ അങ്കണവാടിയുടെ പുറത്തേക്ക് പോയ അഞ്ചു വയസുകാരി പാമ്ബുകടിയേറ്റ് മരിച്ചു. കർണാടകയിലെ സിർസിയിലാണ് സംഭവം. സിർസിയിലെ മാരിക്കമ്ബ സിറ്റിയിലെ അങ്കണവാടിയിലാണ് ഇന്നലെ അഞ്ചുവയസുള്ള മയൂരി സുരേഷ് കുമ്ബളപ്പെനവർ എന്ന പെണ്‍കുട്ടി മരിച്ചത്.
കുട്ടി മൂത്രമൊഴിക്കാൻ അങ്കണവാടിക്ക് പുറത്തുള്ള പറമ്ബിലേക്ക് പോയപ്പോഴാണ് പാമ്ബുകടിയേറ്റത്. കുട്ടിക്ക് പാമ്ബുകടിയേറ്റെന്ന് വ്യക്തമായിട്ടും ആൻറിവെനം നല്‍കാതെ ഹുബ്ബള്ളിയിലെ മെഡിക്കല്‍ കോളേജിലേക്ക് അയക്കുകയാണ് പ്രാദേശിക ആശുപത്രിയിലെ ഡോക്ടർ ചെയ്തത്. ഹുബ്ബള്ളിയിലെത്തും മുമ്ബ് കുട്ടിക്ക് മരണം സംഭവിച്ചിരുന്നു.
പ്രാദേശിക ആശുപത്രിയിലെ ഡ്യൂട്ടി ഡോക്ടർ ഡോ. ദീപ തന്ത്രിയുടെ ഭാഗത്ത് നിന്നുണ്ടായത് കടുത്ത അനാസ്ഥയെന്ന് നാട്ടുകാർ ആരോപിച്ചു. അതുപോലെ അങ്കണവാടിക്ക് ചുറ്റുമതിലോ നല്ല ശുചിമുറിയോ ഇല്ലെന്നും നാട്ടുകാർ വ്യക്തമാക്കി.
