മയക്കുമരുന്നുമായി നാലുപേര്‍ പിടിയില്‍
മാനന്തവാടി : ബാവലി എക്‌സൈസ് ചെക്ക്‌പോസ്റ്റില്‍ മാനന്തവാടി എക്‌സൈസ് റേഞ്ച് ഇന്‍സ്‌പെക്ടര്‍ ശശി.കെയുടെ നേതൃത്വത്തില്‍ നടത്തിയ വാഹന പരിശോധനയ്ക്കിടെ മയക്കുമരുന്നുമായി നാല് പേര്‍ പിടിയില്‍.
കോഴിക്കോട് കസബ നാലുകുടിപറമ്പില്‍ വീട്ടില്‍ റിസ്വാന്‍ (28), കോഴിക്കോട് താമരശ്ശേരി ഉണ്ണികുളം പൂനൂര്‍ കേളോത്ത് പൊയില്‍ വീട്ടില്‍ ഷിഹാബ് കെ.പി (29), പാലക്കാട് ഷൊര്‍ണൂര്‍ വില്ലേജ് ഷൊര്‍ണൂര്‍ കള്ളിയംകുന്നത്ത് വീട്ടില്‍ മുഹമ്മദ് റാഷിദ്.കെ (27 ) , കോഴിക്കോട് കക്കോടി കനാല്‍ റോഡ് കമലകുന്നുമ്മല്‍ വീട്ടില്‍ റമീഷാ ബര്‍സ (20) എന്നിവരാണ് 60. 077 ഗ്രാം മെത്താഫെറ്റമിനുമായി പിടിയിലായത്. കെ.എ 05 എ.എല്‍ 5581 നമ്പര്‍ മാരുതി വാഗണര്‍ കാറും കസ്റ്റഡിയിലെടുത്തു. പ്രതികള്‍ക്കെതിരെ എന്‍ഡിപിഎസ് ആക്ട് പ്രകാരം കേസ് രജിസ്റ്റര്‍ ചെയ്തു.
