മകന് പിന്നാലെ വിജയനും യാത്രയായി ; വിഷം അകത്ത് ചെന്നതിനെ തുടര്‍ന്ന് ചികിത്സയിലായിരുന്ന വിജയനും മരിച്ചു
ബത്തേരി : വിഷം അകത്തുചെന്ന് ചികിത്സയിലായിരുന്ന വയനാട് ഡി.സി.സി ട്രഷററും, ബത്തേരി ഗ്രാമപഞ്ചായത്ത് മുന്‍ പ്രസിഡണ്ടുമായ എന്‍.എം വിജയന്‍ മരിച്ചു. ഇന്ന് രാത്രിയില്‍ കോഴിക്കോട് മെഡിക്കല്‍ കോളേജ് ആശുപത്രിയില്‍ വച്ചാണ് മരണം. ഇദ്ദേഹത്തോടൊപ്പം വിഷം ഉള്ളില്‍ ചെന്ന നിലയില്‍ കണ്ടെത്തിയ മകന് ജിജേഷ് (28) ഇന്ന് വൈകീട്ട് മരിച്ചിരുന്നു.
ഇരുവരേയും ചൊവ്വാഴ്ച വൈകിട്ടോടെയാണ് വിഷം അകത്തു ചെന്ന നിലയില്‍ വീട്ടില്‍ കാണപ്പെട്ടത്. ഗുരുതരാവസ്ഥയില്‍ കാണപ്പെട്ട ഇവരെ ആദ്യം സുല്‍ത്താന്‍ ബത്തേരിയിലെ സ്വകാര്യ ആശുപത്രിയിലും പിന്നീട് കോഴിക്കോട് മെഡിക്കല്‍ കോളജ് ആശുപത്രിയിലും പ്രവേശിപ്പിക്കുകയായിരുന്നു.
