ബേഗൂരില്‍ അജ്ഞാത വാഹനം തട്ടി യുവാവ് മരിച്ചു
കാട്ടിക്കുളം : തോല്‍പ്പെട്ടി -കാട്ടിക്കുളം റൂട്ടില്‍ ബേഗൂരില്‍ വെച്ച് അജ്ഞാത വാഹനം തട്ടി യുവാവ് മരിച്ചു. മാനന്തവാടി ഒഴക്കോടി പുതിയകണ്ടി ഉന്നതിയിലെ സുമേഷ് (45 ) ആണ് മരിച്ചത്.
ഇന്നലെ വൈകീട്ട് ഏഴ് മണിയോടെയായിരുന്നു സംഭവം. വെള്ള നിറത്തിലുള്ള ലോറിയാണ് ഇടിച്ചതെന്നാണ് സുമേഷിൻ്റെ ഭാര്യ പറയുന്നത്. സാരമായി പരിക്കേറ്റ സുമേഷിനെ നാട്ടുകാരും പോലീസും ചേര്‍ന്ന് മാനന്തവാടി മെഡിക്കല്‍ കോളേജിലെത്തിച്ചെങ്കിലും മരിച്ചിരുന്നു. നിലവില്‍ സുമേഷ് ബേഗൂര്‍ കൊല്ലിമൂല ആദിവാസി ഉന്നതിയിലെ ഭാര്യവീട്ടില്‍ താമസിച്ചു വരികയായിരുന്നു. സംഭവവുമായി ബന്ധപ്പെട്ട് തിരുനെല്ലി പോലീസ് അന്വേഷണമാരംഭിച്ചു. ഭാര്യ: ശോഭ. മകന്‍: സുജിത്ത്.
