ഹജ്ജ് അപേക്ഷാ തീയതി സെപ്റ്റംബർ 23 വരെ നീട്ടി
കൊണ്ടോട്ടി സംസ്ഥാന ഹജ്ജ് കമ്മിറ്റി മുഖേന ഹജ്ജ് തീർഥാടനത്തിന് അപേക്ഷ നൽകാനുള്ള തീയതി നീട്ടി. സെപ്റ്റംബർ 23 വരെ അപേക്ഷ നൽകാം.
നേരത്തെ, തിങ്കളാഴ്ചവരെയാണ് സമയപരിധി നിശ്ചയിച്ചിരുന്നത്. വിവിധ സംസ്ഥാന ഹജ്ജ് കമ്മിറ്റികളടക്കം തീയതി നീട്ടിനൽകണമെന്ന് അവശ്യപ്പെട്ടതിനെത്തുടർന്നാണ് കേന്ദ്ര ന്യൂനപക്ഷ മന്ത്രാലയം തീയതി നീട്ടിയത്. സെപ്റ്റംബർ 23 നുള്ളിൽ അനുവദിച്ചതും 2026 ജനുവരി 15 വരെ കാലാവധിയുള്ളതുമായ പാസ്പോർട്ട്, അപേക്ഷകർക്ക് നിർബന്ധമാണ്.
