News Today Wayanad

News Updates..

ഹാര്‍ട്ട് അറ്റാക്ക് : ശരീരം കാണിക്കുന്ന ഈ സൂചനകളെ അവഗണിക്കരുത്…

1 min read

 

ചെറുപ്പക്കാരില്‍ പോലും ഹാര്‍ട്ട് അറ്റാക്ക് അഥവാ ഹൃദയാഘാതം ഉണ്ടാകുന്നു. ജീവിതശൈലിയില്‍ വന്ന മാറ്റങ്ങളാണ് പലപ്പോഴും ഹൃദയാരോഗ്യത്തെ മോശമായി ബാധിക്കുന്നത്. അത്തരത്തില്‍ ഹൃദയാഘാതം സംഭവിക്കുന്നവരുടെ എണ്ണം ഇന്ന് കൂടുകയാണ്.

 

ഹൃദയാഘാതത്തിന്‍റെ ഏറ്റവും സാധാരണ ലക്ഷണം നെഞ്ചുവേദനയാണ്. നെഞ്ചിന്റെ മധ്യഭാഗത്തോ ഇടത് വശത്തോ ഇറുകിയതുപോലെയോ സമ്മർദ്ദമായോ ഞെരുക്കുന്നതായോ തോന്നുന്നത് പലപ്പോഴും ഹാര്‍ട്ട് അറ്റാക്കിന്‍റെ സൂചനയാകാം. ശരീരത്ത് മൊത്തത്തില്‍ അസ്വസ്ഥതയും ഇതിന്‍റെ ഭാഗമായി ഉണ്ടാകാം. ശ്വസിക്കാനുള്ള ബുദ്ധിമുട്ട് അനുഭവപ്പെടുന്നതും ഹൃദയാഘാതത്തെ സൂചിപ്പിക്കാം. നടക്കുമ്ബോഴോ ഉറക്കത്തിലോ ഉള്ള ശ്വാസതടസ്സം ഹൃദയവുമായി ബന്ധപ്പെട്ട ഒരു പ്രധാന ലക്ഷണമാണ്.

 

ഓക്കാനവും ഛര്‍ദ്ദിയും നെഞ്ചെരിച്ചിലും അല്ലെങ്കില്‍ ദഹനക്കേടിനോട് സാമ്യമുള്ള ലക്ഷണങ്ങളും ചിലപ്പോള്‍ ഹാര്‍ട്ട് അറ്റാക്കിന്‍റെ സൂചനയാകാം. അതുപോലെ അമിത വിയർപ്പാണ് മറ്റൊരു പ്രധാന ലക്ഷണം. കാരണങ്ങളൊന്നുമില്ലാതെ നിങ്ങള്‍ പെട്ടെന്ന് വിയർക്കുകയാണെങ്കില്‍, അത് അവഗണിക്കാതിരിക്കേണ്ടത് പ്രധാനമാണ്. ചിലരില്‍ ഹാര്‍ട്ട് അറ്റാക്ക് ഉണ്ടാകുമ്ബോള്‍ തൊണ്ട വേദന വരാം. അമിത ക്ഷീണമോ, തളർച്ചയോ തലക്കറക്കമോ അനുഭവപ്പെടുന്നതും ഹൃദയാഘാതത്തിന്റെ സൂചനയായിരിക്കാം. ഉത്കണ്ഠ, ഭയം, തുടങ്ങിയ വൈകാരിക ലക്ഷണങ്ങള്‍ ചിലപ്പോള്‍ ഹൃദയാഘാതത്തിന് മുമ്ബ് ഉണ്ടാവാം.

 

ശ്രദ്ധിക്കുക: മേല്‍പ്പറഞ്ഞ ലക്ഷണങ്ങള്‍ കാണുന്നപക്ഷം സ്വയം രോഗ നിർണയത്തിന് ശ്രമിക്കാതെ നിർബന്ധമായും നിങ്ങളുടെ ഡോക്ടറെ ‘കണ്‍സള്‍ട്ട്’ ചെയ്യുക. ഇതിന് ശേഷം മാത്രം രോഗം സ്ഥിരീകരിക്കുക.

About The Author

Leave a Reply

Your email address will not be published. Required fields are marked *

Copyright © All rights reserved NEWS TODAY WAYANAD. | LogicWebs by Designed.